ନୂଆଦିଲ୍ଲୀ : ବର୍ତ୍ତମାନ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଗୁରୁଗ୍ରାମରୁ ୨୮ ବର୍ଷର ଯୁବକଙ୍କର ମୃତ୍ୟୁ ମାମଲା ଆସିଛି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଥିଲା । ଏହା ସହ ମାମଲାର ତଦନ୍ତ ଆରମ୍ଭ କରିଥିଲା। କୁହାଯାଉଛି ଯେ ମୃତ ବ୍ୟକ୍ତି ତାଙ୍କ ପ୍ରେମିକାଙ୍କ ସହ ସେପ୍ଟେମ୍ବର ୧୧ ରେ ଏକ ହୋଟେଲକୁ ଆସିଥିଲେ। ଏହା ପରେ ସେ ଇନଷ୍ଟାଗ୍ରାମରେ ଲାଇଭ କରି ଆତ୍ମହତ୍ୟା କରିଥିଲେ।
ଯୁବକଙ୍କ ମୃତଦେହ ହୋଟେଲ ରୁମର ଫ୍ୟାନରେ ଝୁଲୁଥିବାର ଦେଖିବାକୁ ମିଳିଥିଲା । ମୃତକଙ୍କ ସମ୍ପର୍କୀୟଙ୍କ ଅଭିଯୋଗ ଅନୁଯାୟୀ, ହିମାଚଳରୁ ଆସିଥିବା ଝିଅ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ମୃତକଙ୍କ ପତ୍ନୀ ପୋଲିସକୁ କହିଛନ୍ତି ଯେ ଝିଅଟି ତାଙ୍କ ସ୍ୱାମୀଙ୍କୁ ବ୍ଲାକମେଲ କରୁଥିଲେ। ଉକ୍ତ ଝିଅ ସ୍ୱାମୀଙ୍କୁ ଆତ୍ମହତ୍ୟା କରିବାକୁ ମଧ୍ୟ ପ୍ରବର୍ତ୍ତାଇଛି।
ମୃତ ଯୁବକଙ୍କ ପତ୍ନୀ ତାଙ୍କ ଅଭିଯୋଗରେ ପୋଲିସକୁ କହିଛନ୍ତି ଯେ ସେ ଗୁରୁଗ୍ରାମର ଏକ ଘରୋଇ ଡାକ୍ତରଖାନାରେ DMLT ତାଲିମ ନେଉଥିଲେ। ଏଠାରେ ତାଙ୍କ ସ୍ୱାମୀ ଅନଶି ନାମକ ଝିଅକୁ ଭେଟିଥିଲେ। ଅନଶି ତାଙ୍କ ସ୍ୱାମୀ ବିକ୍ରମଙ୍କୁ ଏକ ପ୍ରେମ ଜାଲରେ ଫଶାଇ ଅଶ୍ଳୀଳ ଫଟୋ ଉଠାଇବା ପରେ ତାଙ୍କୁ ବ୍ଲାକମେଲ କରିବା ଆରମ୍ଭ କରିଥିଲେ। ଏହା ବ୍ୟତୀତ ସେ କହିଛନ୍ତି ଯେ ସେପ୍ଟେମ୍ବର ୧୧ରେ ଏକ ହୋଟେଲରେ ଜନ୍ମଦିନ ପାର୍ଟିରେ ବିକ୍ରମଙ୍କୁ ଡାକିଥିଲେ। ତା’ପରେ ତାଙ୍କୁ ଆତ୍ମହତ୍ୟା କରିବାକୁ ପ୍ରବର୍ତ୍ତାଇ ଥିଲେ । ବର୍ତ୍ତମାନ ମୃତକଙ୍କ ପତ୍ନୀ ତାଙ୍କ ପ୍ରେମିକାଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲେ । ଏହା ସହ ସମ୍ପର୍କୀୟଙ୍କ ଅଭିଯୋଗକୁ ନେଇ ପୋଲିସ ଆତ୍ମହତ୍ୟାର ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
