ଆଇଏମଡି ପକ୍ଷରୁ ପୂର୍ବ ଉତ୍ତର ପ୍ରଦେଶ ପାଇଁ ରେଡ ଆଲର୍ଟ ଜାରି କରିଛି । ଏକ୍ସରେ ଏକ ପୋଷ୍ଟ କରି ୟୁପିରେ ପ୍ରବଳରୁ ପ୍ରବଳ ବର୍ଷା ସମ୍ଭାବନା ଥିବା କହିଛି ଆଇଏମଡି । ପାଣିପାଗ ବିଭାଗ ମଧ୍ୟ ଦିଲ୍ଲୀର କିଛି ଅଞ୍ଚଳରେ ବର୍ଷା ସମ୍ଭାବନା ଥିବା ଚେତାବନୀ ଦେଇଛି ।ତେଲେଙ୍ଗାନାର ହାଇଦ୍ରାବାଦରେ ମଧ୍ୟ ପ୍ରବଳ ବର୍ଷା ସମ୍ଭାବନା ରହିଛି ।
ଉତ୍ତର ପ୍ରଦେଶରେ ଗତ ୨୪ ଘଣ୍ଟା ମଧ୍ୟରେ ବର୍ଷାରେ ୧୯ ଜଣଙ୍କର ମୃତ୍ୟୁ ଘଟିଲାଣି । କନୌଜ ଜିଲ୍ଲାରେ ପ୍ରବଳ ବର୍ଷାରେ ଏକ କୋଠା ଭୂଷୁଡି ପଡିବାରୁ ଦୁଇ ଭାଇଙ୍କର ମୃତ୍ୟୁ ଘଟିଛି । ଏହା ବ୍ୟତୀତ ହରଦୋଇରେ ଚାରିଜଣ, ଦେବରିଆ, କାନପୁର,ରାମପୁର, ସମ୍ଭଳଏବଂ ଉନ୍ନାବରେ ଜଣେ ଲେଖାଏ ଲୋକଙ୍କର ଜୀବନ ଯାଇଛି । ଓଡ଼ିଶା, ଆସାମ, ମେଘାଳୟରେ ମଧ୍ୟ ପ୍ରବଳ ବର୍ଷା ସମ୍ଭାବନା ଥିବା ନେଇ ଆଇଏମଡି ଆଲର୍ଟ ଜାରି କରିଛି ।
