ଭାରତ ଆସିବା ପୂର୍ବରୁ ଦେଶ ସହ ତାଙ୍କର ସଂଯୋଗକୁ ନେଇ ଗର୍ବ କରୁଥିବା କହିଲେ ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ…
ନୂଆଦିଲ୍ଳୀ: ଆଗକୁ ଜି-୨୦ ସମ୍ମିଳନୀ ପାଇଁ ଭାରତ ଆସିବେ ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ। ତା’ପୂର୍ବରୁ ସେ ଏକ ବଡ଼ ବୟାନ ଦେଇଛନ୍ତି। ସୁନକ କହିଛନ୍ତି ଯେ ସେ ନିଜର ଭାରତୀୟ ସଂଯୋଗକୁ ନେଇ ଗର୍ବ ଅନୁଭବ କରନ୍ତି। ନ୍ୟୁଜ୍ ଏଜେନ୍ସି ପିଟିଆାଇକୁ ନିଜର ସାକ୍ଷାତ୍କାର ଦେଇ ସେ ଆହୁରି ବି କହିଛନ୍ତି ୨୦୨୩ ମସିହା ଭାରତ ପାଇଁ ଏକ ସ୍ବତନ୍ତ୍ର ବର୍ଷ। ସେ ଏବର୍ଷ ଭାରତକୁ ଆସିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଭେଟ ହୋଇ ବୈଷୟିକ ଆହ୍ବାନ ଏବଂ ଏଥିରେ ଭାରତ-ବ୍ରିଟେନ୍ର ଗୁରୁତ୍ବ ବିଷୟରେ କଥା ହେବେ।
ନାରାୟଣ ମୂର୍ତ୍ତିଙ୍କ ଝିଅ ଅକ୍ଷତା ମଧ୍ୟ ଜଣେ କ୍ଷମତାଶାଳୀ ମହିଳା। ଭାରତରୁ ଯାଇଥିବା ତାଙ୍କ ପିତାମାତା କୋଟି କୋଟି ଟଙ୍କା ମୂଲ୍ୟର ‘ଇମ୍ଫୋସିସ୍ ଟେକ୍ କମ୍ପାନି’ର ମାଲିକ। ୪୨ ବର୍ଷ ବୟସରେ ପ୍ରଧାନମନ୍ତ୍ରୀ ହୋଇଥିବା ଋଷି ଆଧୁନିକ ଇଂଲଣ୍ଡ ଇତିହାସରେ ସର୍ବକନିଷ୍ଠ ପ୍ରଧାନମନ୍ତ୍ରୀ। ମାତ୍ର ୭ ବର୍ଷ ସାଂସଦ ହୋଇ ସେ ଦେଶର ପ୍ରଧାନମନ୍ତ୍ରୀ ହୋଇପାରିଛନ୍ତି।
