ସୋମବାର ବିଳମ୍ବିତ ରାତିରେ ରୁଷିଆର ଦକ୍ଷିଣ ଡାଗେନସ୍ତାନର ଏକ ଗ୍ୟାସ ଷ୍ଟେସନରେ ଏହି ବିସ୍ଫୋରଣ ଘଟିଥିଲା । ଗ୍ୟାସ ଷ୍ଟେସନଟି ଏହି ଅଞ୍ଚଳର ରାଜଧାନୀ ମଖାଚକାଲା ଉପକଣ୍ଠରେ ଥିଲା । ପ୍ରଥମେ କାର ମରାମତି ଦୋକାନରୁ ନିଆଁ ଆରମ୍ଭ ହୋଇ ନିକଟସ୍ଥ ଗ୍ୟାସ୍ ଷ୍ଟେସନକୁ ବ୍ୟାପିଯାଇଥିଲା।
ନିଆଁ ଦ୍ରୁତ ଗତିରେ ବ୍ୟାପି ଯାଇଥିଲା । ଅଳ୍ପ ସମୟ ମଧ୍ୟରେ ୬୦୦ ବର୍ଗ ମିଟର ଅଞ୍ଚଳକୁ ବ୍ୟାପି ଯାଇଥିଲା । ଆହତମାନଙ୍କୁ ହେଲିକପ୍ଟର ମାଧ୍ୟମରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସ୍ଥାନୀୟ ଅଞ୍ଚଳର ସୂଚନା ଅନୁଯାୟୀ, ମସ୍କୋ ଅପରାହ୍ନ ୧୨ଟା ସୁଦ୍ଧା ୧୨ ଜଣଙ୍କର ମୃତ୍ୟୁ ଘଟିଥିଲା । ପରେ ମୃତକଙ୍କ ସଂଖ୍ୟା ବୃଦ୍ଧି ପାଇଥିଲା । ସେହିପରି ପ୍ରାଥମିକ ଅବସ୍ଥାରେ ୫୦ ଆହତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ପରେ ଧ୍ୱଂସସ୍ତୁପ ତଳୁ ଆହୁରି ଅନେକଙ୍କୁ ଉଦ୍ଧାର କରାଯାଇଥିଲା । ଏବେ ଆହତଙ୍କ ସଂଖ୍ୟା ୧୦୨ରେ ପହଞ୍ଚିଛି ।
ଘଟଣାର ତଦନ୍ତ ଚାଲିଛି । ତେବେ ଏହା ଆତଙ୍କବାଦୀ କାର୍ଯ୍ୟକଳାପ କିମ୍ବା ବାହ୍ୟ ଶତ୍ରୁ ଆକ୍ରମଣ ତହା ଏ ଯାଏ ସ୍ପଷ୍ଟ ହୋଇ ନାହିଁ ।
