ମୁମ୍ବାଇ: ଆଜି ଅର୍ଥାତ୍ ରବିବାର (ମେ ୨୮) ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂତନ ସଂସଦ ଭବନର ଉଦଘାଟନ କରିବାକୁ ଯାଉଛନ୍ତି। ଏହା ବହୁ ଅତ୍ୟାଧୁନିକ ସୁବିଧା ସହିତ ସଜ୍ଜିତ। ସମ୍ପ୍ରତି ଏହା ଭିତରେ ଥିବା ଚିତ୍ରଗୁଡ଼ିକ ସାମ୍ନାକୁ ଆସିଛି, ଯାହାକୁ ଦେଖି ସମସ୍ତେ ବିସ୍ମିତ ହୋଇଛନ୍ତି। ଏହି ନୂତନ ସଂସଦ ଭବନର ପ୍ରଶଂସାରେ ଅନେକ ଲୋକ ଶତମୁଖ ହୋଇଛନ୍ତି। ଏବେ ଏହି ତାଲିକାରେ ବଲିଉଡର କିଙ୍ଗ ଖାନ୍ ଶାହରୁଖ ଖାନଙ୍କ ନାମ ମଧ୍ୟ ଅନ୍ତର୍ଭୁକ୍ତ ହୋଇଛି।
ନୂତନ ସଂସଦ ଗୃହର ଏକ ଭିଡିଓ ସେୟାର କରି ସୋସିଆଲ ମିଡିଆରେ ସେ ଏହାର ଉଚ୍ଚ ପ୍ରଶଂସା କରିଛନ୍ତି। ଏହି ଭିଡିଓରେ ଶାହରୁଖଙ୍କ ସ୍ୱର ଏବଂ ଫିଲ୍ମ ‘ସ୍ବଦେଶ’ର ସଂଗୀତ ମଧ୍ୟ ବ୍ୟାକଗ୍ରାଉଣ୍ଡରେ ଶୁଣିବାକୁ ମିଳିଛି। ଶନିବାର ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ନୂତନ ସଂସଦ ଗୃହକୁ ପ୍ରଶଂସା କରି ସେ ଲେଖିଛନ୍ତି ଯେ, ଯେଉଁମାନେ ଆମ ସମ୍ବିଧାନକୁ ସମର୍ଥନ କରନ୍ତି, ଏହି ମହାନ ରାଷ୍ଟ୍ରର ପ୍ରତ୍ୟେକ ନାଗରିକଙ୍କୁ ପ୍ରତିନିଧିତ୍ୱ କରନ୍ତି ଏବଂ ସେମାନଙ୍କ ବିବିଧତା ପାଇଁ ଏକ ଅଦ୍ଭୁତ ନୂତନ ଗୃହ। ନୂତନ ଭାରତ କିନ୍ତୁ ଭାରତର ଗର୍ବର ପୁରୁଣା ସ୍ୱପ୍ନ ସହିତ। ଜୟ ହିନ୍ଦ “।
ବଲିଉଡ ସୁପରଷ୍ଟାରଙ୍କ ଏହି ପୋଷ୍ଟ ଉପରେ ଲୋକଙ୍କ ପ୍ରତିକ୍ରିୟା ଆସିବା ଆରମ୍ଭ କରିଛି। ସୋସିଆଲ ମିଡିଆରେ ଲୋକମାନେ ଶାହାରୁଖଙ୍କୁ ଉଚ୍ଚ ପ୍ରଶଂସା କରୁଛନ୍ତି। ଜଣେ ୟୁଜର୍ ଲେଖିଛନ୍ତି, ଆମ ସଂସଦ ଏବଂ କିଙ୍ଗ ଖାନଙ୍କ ଚମତ୍କାର କାହାଣୀ ଏବଂ ‘ସ୍ବଦେଶ’ର ସଙ୍ଗୀତର ଏକ ଚମତ୍କାର ଭିଡିଓ ଏଥିରେ ଅନେକ ଭାବନା ସଯୋଗ କରୁଛି। ଏହା ବ୍ୟତୀତ ଅନେକ ୟୁଜର୍ ଏହି ପୋଷ୍ଟରେ ହୃଦୟ ଇମୋଜି ମଧ୍ୟ ସେୟାର କରିଛନ୍ତି।
Sign in
Sign in
Recover your password.
A password will be e-mailed to you.