ବ୍ରହ୍ମପୁର : ମାସିକ ଅପରାଧ ସମୀକ୍ଷା ବୈଠକ ବ୍ରହ୍ମପୁର ଏସପି ସର୍ବଣା ବିବେକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।ଏହି ବୈଠକ ବ୍ରହ୍ମପୁର ଏସପି କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା।ବ୍ରହ୍ମପୁର ପୋଲିସ ଜିଲ୍ଲାର ସମସ୍ତ ଏସ୍ଡିପିଓ, ଥାନା ଅଧିକାରୀ ଏବଂ ଅତିରିକ୍ତ ଏସପି ରମେଶ ଚନ୍ଦ୍ର ସେଠୀ, ଅସୀମ ପଣ୍ଡା ଉପସ୍ଥିତ ଥିଲେ। ଏହି ଅବସରରେ ସମସ୍ତ ବିଚାରାଧୀନ ଅପରାଧିକ ମାମଲା ସମୀକ୍ଷା କରାଯାଇଥିଲା। ସମସ୍ତ ମାମଲାର ସଠିକ୍ ଯାଞ୍ଚ ଏବଂ ଚାର୍ଜସିଟ୍ ଦାଖଲ ପାଇଁ ଆଇଆଇସିମାନଙ୍କୁ ନିର୍ଦ୍ଦେଶ ଦେଇଥିଲେ ଏସପି ଶ୍ରୀ ବିବେକ।
ଏହି ବୈଠକରେ ଏମକେସିଜି ଫୋରେନସିକ୍ ବିଭାଗର ମୁଖ୍ୟ ଡ଼ା. ସୁଦୀପ୍ତା ଦାସଙ୍କ ସହିତ ଆସୋସିଏଟ୍ ପ୍ରଫେସର ଏବଂ ଆସିଷ୍ଟାଣ୍ଟ ପ୍ରଫେସର ଉପସ୍ଥିତ ଥିଲେ। ମେଡିକୋ ଆଇନଗତ ମାମଲା ଏବଂ ବଳାତ୍କାର ଓ ପୋସ୍କୋ ମାମଲାର ବିଚାରକୁ କିପରି ମଜବୁତ କରାଯିବ ସେ ସମ୍ବନ୍ଧରେ ଗୁରୁତ୍ୱପୂର୍ଣ୍ଣ ବିଷୟ ଆଲୋଚନା କରିଥିଲେ।ଦୋଷୀ କୁ ଯେଉଁଭଳି ଦଣ୍ଡ ହୋଇପାରିବ ଏବଂ ପିଡିତା ଉଚିତ ନ୍ୟାୟ ପାଇପାରିବ ସେଥିପାଇଁ ସମସ୍ତ ଆଇନଗତ ପଦକ୍ଷେପ ଗ୍ରହଣ କରିବା ପାଇଁ ଗୁରୁତ୍ୱାରୋପ କରିଥିଲେ | ବିଶେଷକରି ଘରୋଇ ହିଂସା ଏବଂ ପାରିବାରିକ ବିବାଦ ମାମଲାରେ ପୀଡିତମାନଙ୍କୁ ପରାମର୍ଶ ଦେବାରେ ଭୂମିକା ଉପରେ ୱାନ ଷ୍ଟପ୍ ସେଣ୍ଟର କର୍ମକର୍ତ୍ତା ମାନେ ସେମାନଙ୍କର ଭୂମିକା ଏବଂ ଦାୟିତ୍ ଉପରେ ବିସ୍ତୃତ ଭାବେ ବିବରଣୀ ଉପସ୍ଥାପନ କରିଥିଲେ।
ବିବାଦର ସମାଧାନ ପାଇଁ ପାରିବାରିକ ହିଂସା ଏବଂ ପାରିବାରିକ ବିବାଦ ମାମଲାରେ ୱାନ ଷ୍ଟପ ସେଣ୍ଟରର ଅଭିଜ୍ଞତା ବ୍ୟବହାର କରାଯାଇ ବହୁ ମାମଲା ର ସମାଧାନ ଦିଗରେ ପଦକ୍ଷେପ ଗ୍ରହଣ କରାଯିବା ନେଇ ବିଷଦ ଭାବରେ ବୈଠକରେ ଆଲୋଚନା ହୋଇଥିଲା।ଏହିସହିତ ସମସ୍ତ ଥାନା ଇଲାକାରେ ଯେଭଳି ଶାନ୍ତିଶୃଙ୍ଖଳା ବଜାଇ ରହିବ ଏବଂ ଅପରାଧୀଙ୍କ ଗତିବିଧି ଉପରେ ତୀକ୍ଷଣ ନଜର ରଖିବା କୁ ସମସ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ଏସପି ଶ୍ରୀ ବିବେକ।
Sign in
Sign in
Recover your password.
A password will be e-mailed to you.