ନବରଙ୍ଗପୁର: ସାର୍ଟିଫିକେଟ ବିକ୍ରି ପାଇଁ ବିଜ୍ଞାପନ ଦେଲେ ଛାତ୍ର । ଶିକ୍ଷକ ପଦବୀ ପାଇଁ ନିଯୁକ୍ତି ନଥିବାରୁ ନିରାଶ ହେଲେ ନବରଙ୍ଗପୁର ବିଶ୍ୱନାଥ ବଡ଼ନାୟକ । ଲକ୍ଷେ ଟଙ୍କାରେ ସାର୍ଟିଫିକେଟ ବିକ୍ରି ପାଇଁ ସୋସିଆଲ ମିଡିଆରେ ବିଜ୍ଞାପନ ଦେଇଛନ୍ତି ବିଶ୍ୱନାଥ । ଦିନେ ଶିକ୍ଷକ ହୋଇ ପିଲାଙ୍କ ଭବିଷ୍ୟତ ଗଢ଼ିବାର ସ୍ୱପ୍ନ ରଖିଥିଲେ । ଏଥିପାଇଁ ଶିକ୍ଷକ ପ୍ରଶିକ୍ଷଣ ନେବା ସହ ପରିଶ୍ରମ କରି ଓଟିଇଟି ମଧ୍ୟ ପାସ୍ କରିଛନ୍ତି ।
ହେଲେ ଏପର୍ଯ୍ୟନ୍ତ ତାଙ୍କୁ ଚାକିରି ମିଳୁନି । ୫ ବର୍ଷ ହେଲା ସରକାର ନିଯୁକ୍ତି ନିମନ୍ତେ ବିଜ୍ଞାପନ ବାହାର କରୁନାହାନ୍ତି । ନିରାଶ ହୋଇ ବିଶ୍ୱନାଥ ଶିକ୍ଷକ ପ୍ରଶିକ୍ଷଣ ସାର୍ଟିଫିକେଟ ଏବଂ ଓଟିଇଟି ସାର୍ଟିଫିକେଟ ବିକ୍ରି କରିବାକୁ ନିଷ୍ପତ୍ତି ନେଇଛନ୍ତି । ଯୁକ୍ତ ୨ ପରେ ୨୦୧୭ରେ ସେ ଉମରକୋଟ ଶିକ୍ଷକ ପ୍ରଶିକ୍ଷଣ କେନ୍ଦ୍ରରୁ ପ୍ରଶିକ୍ଷଣ ନେଇଥିଲେ । ୨୦୧୬ରେ ଓଟିଇଟି ପରୀକ୍ଷାରେ ପାସ କରିଥିଲେ ।
