ମୁମ୍ବାଇ: ବିବାହ ବାହାନାରେ ଜଣେ ମହିଳାଙ୍କୁ ଦୁଷ୍କର୍ମ ଅଭିଯୋଗରେ ଗିରଫ ହୋଇଥିବା ଜଣେ ଅଭିଯୁକ୍ତଙ୍କୁ ଜାମିନ ପ୍ରତ୍ୟାଖ୍ୟାନ କରି ଏକ ଗୁରୁତ୍ୱପୂର୍ଣ୍ଣ ରାୟ ପ୍ରଦାନ କରିଛନ୍ତି ବମ୍ବେ ହାଇକୋର୍ଟ। ଏହି ମାମଲାର ଶୁଣାଣି କରି ବମ୍ବେ ହାଇକୋର୍ଟର ବିଚାରପତି ଜଷ୍ଟିସ୍ ଭାରତୀ ଏଚ୍ ଡାଙ୍ଗ୍ରେ କହିଛନ୍ତି ଯେ ଜଣେ ମହିଳା ତାଙ୍କ ସହ ବନ୍ଧୁତ୍ୱପୂର୍ଣ୍ଣ ସମ୍ପର୍କ ପାଇଁ ଅନୁମତି ଦେବା ଅର୍ଥ ନୁହେଁ ଯେ ଯୌନ ସଂପର୍କ ପାଇଁ ସେ ଲାଇସେନ୍ସ ଦେଇଦେଲେ।
ଅଭିଯୋଗକାରୀଙ୍କ ଦ୍ୱାରା ତାଙ୍କ ବିରୋଧରେ ଦାଖଲ ହୋଇଥିବା ଏଫଆଇଆର ଆଧାରରେ ଗିରଫ ହୋଇଥିବା ଜନୈକ ଅଭିଯୁକ୍ତ ଆଶିଷ ଚକୋରଙ୍କ ଦ୍ୱାରା ଦାଖଲ ହୋଇଥିବା ଏକ ଜାମିନ ଆବେଦନର ଶୁଣାଣି କରି ଜଷ୍ଟିସ ଡାଙ୍ଗ୍ରେ କହିଛନ୍ତି।
ମାମଲାର ବିବରଣୀ ଅନୁଯାୟୀ, ଅଭିଯୋଗକାରୀ ଏବଂ ଆବେଦନକାରୀ ଉଭୟେ ପରସ୍ପର ସହିତ ପରିଚିତ ଥିଲେ। ୨୦୧୯ରେ ସେମାନେ ଜଣେ ସାଧାରଣ ବନ୍ଧୁଙ୍କ ଘରକୁ ଯାଇଥିଲେ, ଯେଉଁଠାରେ ଆବେଦନକାରୀ ତାଙ୍କ ସହ ବାଧ୍ୟବାଧକତାରେ ବଳପୂର୍ବକ ଯୌନ ସଂପର୍କ ସ୍ଥାପନ କରିଥିଲେ।
ଯଦିଓ ସେ ତାଙ୍କ କାର୍ଯ୍ୟକୁ ବିରୋଧ କରିଥିଲେ ତଥାପି ସେ ପ୍ରତିଶ୍ରୁତି ଦେଇଥିଲେ ଯେ ସେ ତାଙ୍କୁ ଶୀଘ୍ର ବିବାହ କରିବେ। ଏହାର ପରବର୍ତ୍ତୀ ସମୟରେ ମହିଳା ଜଣକ ଗର୍ଭବତୀ ହେବା ପର୍ଯ୍ୟନ୍ତ ସେ ତାଙ୍କ ସହ ଶାରୀରିକ ସମ୍ପର୍କ ଜାରି ରଖିଥିଲେ। କିନ୍ତୁ, ଗର୍ଭବତୀ ହେବାପରେ ସେ ତାଙ୍କୁ ବିବାହ କରିବାକୁ କିମ୍ବା ତାଙ୍କର ଦାୟିତ୍ୱ ନେବାକୁ ମନା କରିଦେଇଥିଲେ। ଏହା ପରିବର୍ତ୍ତେ, ସେ ତାଙ୍କୁ ‘ଚରିତ୍ରହୀନା’ ବୋଲି ଦର୍ଶାଇବା ସହ ତାଙ୍କର ଅନ୍ୟ କିଛି ବ୍ୟକ୍ତିଙ୍କ ସହ ମଧ୍ୟ ସମ୍ପକ ଥିବା ଅଭିଯୋଗ କରିଥିଲେ। ଏପରିକି ଏହି ଦାବି ପରେ ମଧ୍ୟ ସେ ପୁଣି ଥରେ ତାଙ୍କ ସହ ବଳପୂର୍ବକ ଯୌନ ସମ୍ପର୍କ ରଖିଥିଲେ।
ମେ ୧୭, ୨୦୧୯ରୁ ଅପ୍ରେଲ ୨୭, ୨୦୨୨ ମଧ୍ୟରେ ଘଟିଥିବା ଘଟଣା ଆଧାରରେ ୨୨ ବର୍ଷୀୟ ଅଭିଯୋଗକାରୀଙ୍କୁ ଦୁଷ୍କର୍ମ ଅଭିଯୋଗରେ ପୁଲିସ ଗିରଫ କରିଥିଲା।
ପ୍ରତ୍ୟେକ ମହିଳା ସମ୍ପର୍କରେ ‘ସମ୍ମାନ’ ଆଶା କରନ୍ତି। ପାରସ୍ପରିକ ସ୍ନେହ ଉପରେ ଆଧାରିତ ହୁଏ ବନ୍ଧୁତା। କିନ୍ତୁ, ଏଠାରେ ଅଭିଯୁକ୍ତ ବିବାହର ମିଥ୍ୟା ପ୍ରତିଶ୍ରୁତି ଦେଇ ମହିଳାଙ୍କ ସହ ଯୌନ ସମ୍ପର୍କ ବଜାୟ ରଖିଥିଲେ। ଯେତେବେଳେ ଅଭିଯୋଗକାରୀ ଗର୍ଭଧାରଣ କରିଥିଲେ, ସେ ତାଙ୍କୁ ଛାଡ଼ି ଚାଲିଗଲେ। ଆବେଦନକାରୀ ତାଙ୍କୁ ବିବାହ ପ୍ରତିଶ୍ରୁତି ଦେବା ପରଠାରୁ ସେ ଏହାକୁ ଅନୁମତି ଦେଇଥିଲେ।
Sign in
Sign in
Recover your password.
A password will be e-mailed to you.