ଛତ୍ରପୁର : ଚମାଖଣ୍ଡି ଥାନା ଅଧୀନ ଜଗନ୍ନାଥପୁର ପେଟ୍ରୋଲ ପମ୍ପ ନିକଟରେ ଟ୍ରକ୍ ପଛକୁ ପିକ୍ଅପ୍ ଭ୍ୟାନ୍ ଧକ୍କା ଦେଇଛି । ଫଳରେ ପିକ୍ଅପ୍ ଭ୍ୟାନ୍ ଚାଳକ ଗୁରୁତର ଆହତ ହୋଇଥିବା ଜଣାପଡିଛି । ଆହତ ଚାଳକ ଜଣକ । ସୂଚନାନୁସାରେ, ଆଜି ସନ୍ଧ୍ୟାରେ ୟୁପି୭୧ବିଟି-୧୦୮୦ ନଂ ଏକ ଟ୍ରକ ପେଟ୍ରୋଲ୍ ପମ୍ପ ନିକଟରେ ଛିଡା ହୋଇଥିବା ବେଳେ ବ୍ରହ୍ମପୁର ଅଭିମୁଖେ ଥିବା ଓଡି୧୩ଭି-୦୭୦୦ ଏକ ପିକ୍ଅପ୍ ଭ୍ୟାନ୍ ପଛପଟୁ ଧକ୍କା ଦେଇଥିଲା । ପିକ୍ଅପ୍ ଚାଳକ ଗୁରୁତର ଆହତ ହୋଇଛନ୍ତି । ଘଟଣା ସ୍ଥଳରେ ଜାତୀୟ ରାଜପଥ ପାଟ୍ରୋଲିଂ ଟିମ୍ର ଏସ୍ପିଓ ସନ୍ତୋଷ କୁମାର ପାଢୀ ଓ ଚମାଖଣ୍ଡି ଥାନା ପୁଲିସ ପହଞ୍ଚି ଆହତ ଚାଳକକୁ ଉଦ୍ଧାର କରି ଚିକିତ୍ସା ପାଇଁ ପଠାଇଛନ୍ତି । ଖବର ଲେଖା ସୁଦ୍ଧା ଚାଳକଙ୍କ ପରିଚୟ ମିଳିପାରିନାହିଁ ।
