ପ୍ରତି ଜୋନରୁ ଦୁଇ ଜଣ ଲେଖାଏଁ କର୍ପୋରେଟର ଓ ଆଡିସନାଲ କମିଶନରଙ୍କୁ ନେଇ ଏହି କମିଟି ଗଠନ ହୋଇଛି । ରାହାଗିରିରେ କ’ଣ କ’ଣ ସବୁ କରାଯିବ, ତାହା କମିଟି ନିର୍ଦ୍ଧାରଣ କରିବ । ବିଏମସି ର ବୈଠକ ପରେ ଏନେଇ ସୂଚନା ଦେଇଛନ୍ତି ଭୁବନେଶ୍ଵର ମେୟର ସୁଲୋଚନା ଦାସ ।
ତେବେ ଏହି ପଥଉତ୍ସବ ‘ରାହାଗିରି’ ରେ ପୁଣି ରଙ୍ଗାରଙ୍ଗା କାର୍ଯ୍ୟକ୍ରମ ସାଙ୍ଗକୁ, ଝୋଟିଚିତା, ସାଂସ୍କୃତିକ କାର୍ଯ୍ୟକ୍ରମ, ବିଭିନ୍ନ ପ୍ରକାରର କ୍ରୀଡା, ଭଳିକି ଭଳିକି ଷ୍ଟଲରେ ଶୀତୁଆ ସକାଳରେ ଚା’ ଓ ଜଳଖିଆର ମଜାନେବେ ରାଜଧାନୀବାସୀ ।
