ଗତ ରାତିରେ ୫ଟି ସ୍ଥାନରେ ତାପମାତ୍ରା ୧୫ ଡିଗ୍ରୀ ସେଲସିୟସରୁ କମ ଥିବା ରେକର୍ଡ କରାଯାଇଛି । ଜି.ଉଦୟଗିରି ସମେତ କୋରାପୁଟରେ ରାତି ତାପମାତ୍ର ୧୨.୧ ଡିଗ୍ରୀକୁ ଖସିଥିବାବେଳେ ଦାରିଂବାଡିରେ ୧୩.୫, ସେମିଳିଗୁଡାରେ ୧୪.୨ ଏବଂ ଫୁଲବାଣୀରେ ୧୪.୫ ଡିଗ୍ରୀ ସେଲସିଅସ ଥିବା ରେକର୍ଡ କରାଯାଇଛି ।
ଟୁଇନ ସିଟି ଭୁବନେଶ୍ୱର ଏବଂ କଟକରେ ଯଥକ୍ରମେ ୨୦.୩ ଏବଂ ୨୦ ଡିଗ୍ରୀ ତାପମାତ୍ରା ଥିବା ଆଞ୍ଚଳିକ ପାଣିପାଗ ବିଭାଗ ପକ୍ଷରୁ କୁହାଯାଇଛି ।
ସେହିପରି ଉତ୍ତର ଓଡ଼ିଶାରେ ମଧ୍ୟ ଗୋଟିଏ ବା ଦୁଇଟି ସ୍ଥାନରେ ସର୍ବନିମ୍ନ ତାପମାତ୍ରା ହ୍ରାସ ପାଇଥିବାବେଳେ ଆଭ୍ୟନ୍ତାରୀଣ ଓଡ଼ିଶା ତଥା ରାଜ୍ୟ ଏକାଧିକ ସ୍ଥାନରେ ତାପମାତ୍ରା ସାଧାରଣ ତାପମାତ୍ରାଠାରୁ ଅଧିକ ରହିଛି ।
ଆସନ୍ତା ୪/୫ ଦିନ ମଧ୍ୟରେ ରାତି ତାପମାତ୍ରାରେ ବଡ ଧରଣର ପରିବର୍ତ୍ତନର ସମ୍ଭାବନା ନ ଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି ।
