ଝାରସୁଗୁଡା:ଝାରସୁଗୁଡାର ସିଧା ବେଙ୍ଗାଲୁର ଉଡିଲା ବିମାନ । ଆଜିଠୁ ଇଣ୍ଡିଗୋ ବିମାନ ଝାରସୁଗୁହା ବିମାନବନ୍ଦରରୁ ବେଙ୍ଗାଲୁର ଅଭିମୁଖେ ସିଧାସଳଖ ଯାତ୍ରା କରିଛି । ଏୟାର ଲାଇନ ୱେବସାଇଟ ତଥ୍ୟ ଅନୁସାରେ, ୨ଘଣ୍ଟା ୫ ମିନିଟ ସମୟରେ ଝାରସୁଗୁଡାରୁ ବେଙ୍ଗାଲୁରରେ ପହଞ୍ଚିବ ବିମାନ ।
ମିଳିଥିବା ତଥ୍ୟ ଅନୁସାରେ, ଇଣ୍ଡିଗୋ ବିମାନ ବୁଧବାର ଭୀର ସୁରେନ୍ଦ୍ର ସାଏ ବିମାନ ବନ୍ଦରରୁ ଆଜି ୧୨ଟା ୫୦ରେ ଉଡାଣ ଆରମ୍ଭ କରିବ । ଅପରାହ୍ନ୨ଟା ୫୫ରେ ବେଙ୍ଗାଲୁରରେ ପହଞ୍ଚିବ । ସେହିପରି ବେଙ୍ଗାଲୁରରୁ ସିଧାସଳଖ ବିମାନ ୧୦ଟା ୧୫ରୁ ବାହାରି ଝାରସୁଗୁଡାରେ ୧୨ଟା ୨୦ରେ ପହଞ୍ଚିବ ।
କହିରଖିବୁ, ୧୦ ଦିନ ତଳେ ଝାରସୁଗୁଡା ବିମାନବନ୍ଦରରୁ ସିଧାସଳଖ କୋଲକାତା ବିମାନ ଉଡାଣ ଆରମ୍ଭ କରିଥିଲା । ଏ ନେଇ ଇଣ୍ଡଗୋ ପକ୍ଷରୁ କୁହାଯାଇଛି, ପରେ ଏହି ବିମାନ ଚଳାଚଳ ଇଣ୍ଡରଷ୍ଟେଟ ସହ ଯୋଗାଯୋଗ କରିବ । ଝାରସୁଗୁଡା ଏକ ଶିଳ୍ପ ଏବଂ ବ୍ୟାବସାୟିକ ସହର ହୋଇଥିବାରୁ ଯାତ୍ରୀମାନଙ୍କ ସୁବିଧାକୁ ଦୃଷ୍ଟିରେ ରଖି ଏହା କରାଯାଇଛି ।
![nis-ad](https://i0.wp.com/nisarta.com/wp-content/uploads/2023/05/adv22-copy.jpg?w=1170&ssl=1)