ଦାରିଙ୍ଗବାଡ଼ି (୨୪/୦୭) : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଲ୍ୟାମ୍ପସ ମାଧ୍ୟମରେ ପିଡ଼ିଏସ ସାମଗ୍ରୀ ୮ ଗୋଟି ଗ୍ରାମ ପଞ୍ଚାୟତ ଯଥା ସରାମୁଳି, ଗଦାପୁର, ତାଜୁଙ୍ଗି, ହାତିମୁଣ୍ଡା, କାଟିଙ୍ଗିଆ, କୁମ୍ଭାରୀଗାଁ, ଝିଞ୍ଜିରିଗୁଡା ଓ ବ୍ରାହ୍ମଣୀଗାଁ ପଂଚାୟତ ବାସୀଙ୍କୁ ଯୋଗାଇ ଦେଇ ଆସୁଛି। ପ୍ରତି ପଞ୍ଚାୟତ ମହକୁମାରେ ଲ୍ୟାମ୍ପସ ପିଡ଼ିଏସ ବିତରଣ କେନ୍ଦ୍ର ଖୋଲିଛି। ସେହିପରି ଝିଞ୍ଜିରିଗୁଡ଼ା ପଞ୍ଚାୟତ ବାସୀଙ୍କୁ ମଧ୍ୟ ପଞ୍ଚାୟତ ମହୁକୁମାରେ ପିଡ଼ିଏସ ସାମଗ୍ରୀ ଯୋଗାଇ ଦିଆ ଯାଉଥିଲା । ଯାହାରି ଫଳରେ ଏହି ପଞ୍ଚାୟତ ଅଧିନସ୍ତ ଗଡମା, କୁଟୁଲାରୀଗାଁ, ବାଘପଦା ଓ ସଙ୍ଗଡମା ଗ୍ରାମ ବାସୀଙ୍କୁ ପ୍ରାୟ ୧୨ କି. ମି ଦୁରତାରୁ ଆସି ପିଡ଼ିଏସ ସାମଗ୍ରୀ ନେବାକୁ ପଡୁଥିଲା। ଏହି ସମସ୍ୟାକୁ ଗୁରୁତ୍ୱ ଦେଇ ସରପଞ୍ଚ ଚାନ୍ଦିନୀ ପ୍ରଧାନଙ୍କ ପ୍ରଚେଷ୍ଟା ଓ ଲ୍ୟାମ୍ପସ ପରିଚାଳକଙ୍କ ସହ ଯୋଗରୁ କୁଟୁଲାରୀ ଗାଁରେ ନୂତନ ବିତରଣ କେନ୍ଦ୍ର ହୋଇପାରିଛି। ଯାହାରି ଫଳରେ ଏହି ୪ ଗ୍ରାମବାସୀ ଅତି ବେଶୀରେ ୩କିମି ଦୂରତା ମଧ୍ୟରେ ପିଡ଼ିଏସ ସାମଗ୍ରୀ ପାଇ ପାରିବେ। ଏଣୁ ଏହି ସବୁ ଗ୍ରାମ ବାସୀ ସମୂହ ସରପଞ୍ଚଙ୍କ ଏହି କାର୍ଯ୍ୟ ପାଇଁ ପ୍ରଶଂସା ଜଣାଇଥିବା ପ୍ରକାଶ ପାଇଛି।
Sign in
Sign in
Recover your password.
A password will be e-mailed to you.